入左「樂園」，心情都靚哂，因為牆身畫左d好得意既公仔同大大個七色彩虹，椅背又有特色花紋，環境光猛、乾淨又企理。而用上Dreyers雪糕既鎮店之寶－「怪獸雪糕」，size大過你同我個頭呀！夠哂份量，因為裡面有好多個雪糕球架！你仲可以同「怪獸雪糕」影寶麗萊添，留個倩影！哈哈：） 樂園都好體貼，除左親身教你點玩d board games之外，仲拍埋開心教學短片，等你玩遊戲果陣，識得點樣做大贏家！